نصائح إلى طلاب الفرقة الثالثة

بسم الله والصلاة والسلام على رسول الله
أما بعد

سنة تالتة إن شاء الله حتجدوها أمتع جدا من السنين الماضية خصوصا وأن منهجها معظمه علوم قريبة من الواقع

خصوصا الفارما

وطبعا مش معنى كده انها سهلة أوى بس هى ممتعة فى المذاكرة عن السنين اللى فاتت

ودى شوية نصائح مختصرة لكم :

1) ذاكر أول بأول خصوصا فى الباثولوجى والقارما لأنها مواد كبيرة وصعبة تتلم فى آخر السنة
2) ركز جهدك فى المواد التالية بالترتيب التالى : الباثولوجى - الفارما - المايكرو - البارا
3) لو انت مواجهك مشاكل فى المذاكرة أو صعوبات فى الفهم فى حاجة جميلة جدا كثير من الطلاب غافلين عنها وهى ان فى شرايط مسجلة على اسطوانات لدكااترة من القصر العينى شارحين فيها المنهج بتاعنا شرح ممتع جدا ورائع وأنا عن نفسى ذاكرت الباثولوجى بالنظام دا وللأسف انى ما عرفتهاش إلا فى آخر السنة وللى عاوزها يسألنا ندله على مكانها
4) وعشان نتكلم بصراحة فى حضور العملى :
أهم حاجات لازم تحضرها فى العملى وما تفوتهاش معمل الباثولوجى (الشرايح) - البارا - أما المايكرو (فأهمها سكاشن الشرائح ) وبصراحة عملى المايكرو سهل جدا يتلم فى الآخر وكذلك متحف الباثولوجى لكن طبعا مش فى أسبوع أقلها 3 أسابيع تركز عليهم فيه كمان مش مذاكرة عادية .


ولو جه فى بالى حاجات تانية حأقولها إن شاء الله

واللى عنده استفسار يسأل وما يتحرجش

شكرا يا دكتورنا الغالي علي الدرر الغاليه دي
جزاك الله عنّا كل الخير

هي فعلا 3 سهله جدا بس للي يتابع ويهتم
وربنا يوفق الجميع



و تقبل مني خالص الشكر والتقدير علي مجهودك المتفاني للإرتقاء بمنتدانا الغالي