السلام عليكم ورحمة الله وبركاته
بسم الله والحمد لله والصلاة والسلام على رسول الله اللهم صل وسلم وبارك على سيدنا محمد واله وصحبه ومن تبعه بأحسان الى يوم الدين
اخوانى هذا الموضوع هو الاخطر حقاً وهو الاهم لانه هو الاصل
فأرجو منكم جميعا ان تعيرونى اذانكم قليلاً
اها
انتم لا تسمعونى وهذه هى المشكلة ان البعض من الممكن ان لا يقراء الموضوع كاملا ولكنه حقا هام لذلك استحلفكم بالله ان تقراءوه بكل تمعن
موضوعنا اليوم هو عن تارك الصلاة
اولا اخوانى
الصلاة عماد الدين فمن تركها فقد هدم الدين
ومن اقامها فقد اقام الدين
لو لاحظتم معي اخوانى ان اركان الاسلام خمس
شهادة ان لا اله الا الله وان محمدا رسول الله وايقام الصلاة وايتاء الزكاة وصيام رمضان وحج البيت لمن استطاع اليه سبيلا
كلنا والحمد لله نشهد انه لا اله الا الله وان محمد رسول الله
لو ذهبنا الي الركن الثالث وهو الزكاة سنجد ان لها شروطاً معينة ومن ثم فأنه لا يؤدي الزكاة جميع المسلمين اي ان البعض فقط حسناً جيد
لو ذهبنا للركن الرابع وهو الصوم فنجد انه بعض المسلمين يكونوا مرضى فلا يقدرون على الصوم ويعوضون ذلك بفدية ومن ثم فأنه نجد ان ليس كل المسلمين يصوموا حسنا هذا رائع
لو ذهبنا الى الركن الخامس والاخير سنجد انه بعض المسلمين فقط ايضا هم من يؤدى هذه الفريضة لانها تحتاج الى صحة ومال ومن ثم فأنه ايضا ليس كل المسلمين يقوموا بالحج
حتى الان ممتاز
الا تلاحظون انى قد نسيت الركن الثانى
صراحة لقد تعمدت ذلك
وهو الصلاة صحيح
اي انه فى النهاية وجدنا انه كل الاركان لا يقوم بها جميع المسلمون
الا
الصلاة
فهى واجبة على الجميع
مريض ومصح
فقير وغني
وزير و غفير
بواب ورئيس (مع احترامى للبواب انا مش بقل من قدر حد طبعا الله اعلم ممكن يكون البواب احسن من الرئيس عند ربنا )
حتى المريض اه والله حتى المريض لازم يصلي
بس ده مريض مش قادر يقف يصلي وهو قاعد
طب مش قادر وهو قاعد يا سيدى يصلى نايم
تعرف يا اخى لو كان ينفع لحد ان يسيب الصلاة كان يبقى اولى الناس مين؟؟
المجاهد فى سبيل الله صح ؟
اه واحد بيحارب اعداء الله صدق حتى ده كمان مينفعش يسيب الصلاة
حتى ده كمان اه والله العظيم حتى ده كمان
عايز تاني
طب صلي على النبي
صلى الله عليه وسلم
بالله عليكم يا شباب تركزوا فى الكلام ده
جاء رجل اعمى الي الرسول صلى الله عليه وسلم
عبد الله بن مكتوم
فقال له يا رسول الله انى اعمى ولا اجد من يسوقنى الى المسجد فاعطنى رخصة (يعني اسمحلى ) ان اصلي فى بيتى
فسمح له النبى صلى الله عليه وسلم وهم الرجل بالأنصراف
فناداه النبى صلى الله عليه وسلم
فعاد الرجل مرة اخرى فقال له النبي صلى الله عليه وسلم
هل تسمع النداء(يعني الاذان ) فقال له الرجل نعم يا رسول الله
فقال النبى صلى الله عليه وسلم لبي النداء فى بيت الله
صلى الله عليه وسلم
ها انتم معايا ولا نتمتم لا يا شباب اصحوا كده فوقوا وياريت تركزو ا معايا كويس
شوفت يا اخى الرجل اعمى ومع ذلك قال له النبي صلى الله عليه وسلم لبي النداء فى بيت الله
ده الراجل مكنش هيسيب الصلاة ده كان هيصلي بس فى بيتهم
بالله عليك انت ايه عذرك هل انت مريض حتى اللى بيموت بيصلي
هل انت مجاهد فى سبيل الله حتى ده كمان مينفعش يسيب الصلاة
اقولك انت عذرك ايه
انت عذرك البنت اللى بتكلمها على الشات
ولا يكنش عذرك الفلم؟
يا اخي انت عذرك ايه ايا كان عذرك مينفعش تسيب الصلاة
ها سكت ليه؟؟
شكلك نمت
اقولك الحقيقة فى اتنين بس هم اللى ممكن يسيبوا الصلاة تحب تعرفهم
اه اكيد انت هتقولى ان واحد من الاتنين دول ومش بعيد اكون انا الاتنين فى بعض علشان كده مش بصلي
طيب مش عايز تعرفهم ؟
المرأة الحائض والنفثاء
اه لو انت واحد منهم متصليش بقى براحتك كل واحد ادرى بنفسه
يعني كل الكلام ده علشان نقول ان مفيش عذر لتارك الصلاة انه يتركها
دي اول نقطة نكتفى بيها انهردا علشان مطولش عليكم بس خلي بالك لسه فى كلام تاني
واسأل الله تعالى ان ينفعنا بما قرأنا
وان شاء الله نكمل الموضوع في يوم تاني
والسلام عليكم ورحمة الله وبركاته