الصلاة الصلاة وما ملكت ايمانكم

السلام عليكم ورحمة الله وبركاته


..............

بسم الله الرحمن الرحيم

فخلف من بعدهم خلف اضاعوا الصلاة واتبعوا الشهوات فسوف يلقون غيا
سورة مريم الايه 59

العلماء قالوا مش معنى اضاعوا الصلاة انهم مش بيصلوا

لا
معناها انهم يأخروا الصلاة عن معادها

يعني يصلي الفجر مع الظهر والظهر مع العصر

اهوه ده بيصلى بس بيأخر الصلاة
اخرته فين ؟
غيا
ايه غيا ده بقى
هو ده رأس الموضوع بتاعنا
غيا فى وصفه انه وادى فى جهنم بعيد قعره غويط يعني
شديد الحرارة
تستعيذ منه بقية اودية جهنم فى اليوم سبعين مرة من شدة حره سلم يارب سلم
هذا الوادى لمن اعُد
اعد لمن يؤخر الصلاة عن موعدها
ولا حول ولا قوة الا بالله
فمبالك بالذى لا يصلي اصلا
ابن القيم استدل من الايه دى على كفر تارك الصلاة لان فى وصف غيا انه وادى فى جهنم بعيد قعره يعني الوادى ده فى النار من تحت
والمعروف ان اهل الكبائر من المسلمين يكونوا فى الطبقة العليا من النار اما السفلى فهى للكفرة والمشركين
اللهم اجرنا من النار

طيب ده جزاء واحد بيأخر الصلاة

امال اللى مش بيصلى ده جزائه ايه؟

يُحشر يوم القيامة مع

فرعون

وهامان

وقارون

تارك الصلاة يبقى واقف بجوار الناس دى فى ارض المحشر

فرعون اللى قال انا ربكم الاعلى تارك الصلاة هيبقى واقف جمبه فى ارض المحشر ؟؟ اه والله

علشان كده الحسن البصرى رحمه الله كان كل ما يقرأ قول الله تعالى

سبح اسم ربك الاعلى

كان يبتسم ويبكى ويقول

يارب كيف تساوى فى النار بين من سجد لك وقال سبحان ربي الاعلى ومن قال انا ربكم الاعلى

يقصد فرعون قال انا ربكم الاعلى

والناس اللى بتصلى لما بنسجد بنقول ايه

سبحان ربي الاعلى

فالحسن بيقول يعني ازاى ده يدخل الناروده هيدخل النار اكيد فى فرق طبعا

فتخيل انك ستقف بجوار فرعون الطاغية الذى قال انا ربكم الاعلى لانك لا تصلى

اتعلم ان تارك الصلاة يكون مكانه فى جهنم سقر

وما ادراك ما سقر لا تبقى ولا تذر لواحة للبشر

تارك الصلاة يكون فى جهنم فى سقر مع الكفار ما الدليل على ذلك

الدليل قول الله تعالى

ما سلككم فى سقر قالوا لم نك من المصلين ولم نك نطعم المسكين وكنا نخوض مع الخائضين وكنا نكذب بيوم الدين



اذا كنا قلنا ان اللى بيأخر الصلاة عن معدها

هيدخل وادى فى جهنم تستعيذ منه اوديه جهنم سبعين مرة فى اليوم من شدة حره

امال اللى مش بيصلي خالص ده

عذابه هيبقى ازاى؟؟

اخي

النبى صلى الله عليه وسلم وهو فى مرض الموت صلى الله عليه وسلم

وهو على فراش الموت يوصيك فيقول لك الصلاة الصلاة وما ملكت ايمانكم

الصلاة الصلاة وما ملكت ايمانكم

الصلاة الصلاة وما ملكت ايمانكم

من اخر وصايا النبى صلى الله عليه وسلم

ليه يا جماعة بنضيع وصايا النبى صلى الله عليه وسلم

تخيل ان النبى صلى الله عليه وسلم وهو بيموت

بيقول الصلاة الصلاة وما ملكت ايمانكم

وانت ولا انت هنا



صل قبل ان يُصلى عليك